يالغايب أمك فاطمه تتنطر الثار

[هاني]

يالغايب أمك فاطمه تتنطر الثار
ومحسن ابدمه ينتظر ابعتبة الدار

*****
يالغايب الزهره تون هم اسمعتها
أمك لامك كان اجيت انته وشفتها
من ياجرح عن ياهظم تشكي اسالتها
اتسولفلك اعليها الجره يالغايب وصار

*****
يالغايب اظهر سيدي وشوف الزجيه
اه يارزيه الماتجي منهه رزيـــــــــه
لو حاضر امك يومن الطاحت رميه
كسرو ضلعهه وطيحو محسنهه الاشرار

*****

يا المهدي يا غيمه الذي تحجب أنوارك
مو كافي صبر اعله الهظم شنهي أعذارك
صبرك دشوفه شلون وصلهم الدارك
و من تعتذر عن ثورتك ما أقبل أعذار

*****
يالغايب امك بالحزن والجره اعليها
تبكي امن الظلع تنتحب اه ياواليها
ماقول بس هذا الجره والوصف بيها
مغصوب جروه الوصي للبيعه الكرار

*****

يبن الحسن لمته الفرج شيعي أو أنطرك
تظهر وشوفــــك سيـــدي وتهله فجــــرك
تمحي الكسر منهه الضلع تهديهه نصرك
ونشوف سيفه الحيدره بيدك يمغـــــــــوار
ــــــــــــــــــــــــــ
يبن الحسن من الكسر كل المصايـــــــــب
ذيج السدت عالعتـــره ما تنهض يغايـــــب
صدر الوديعه أنعصــــــــر بنت الاطايـــــب
والشيعه منك تنتظر تفني الظلــــــــــم جار

*****

روحي التراب أجدامك أفديها يغالي
وانه الحزين ابغيبتك تعلم ابحالي
ولأمك الزهره دمع عيناي هالي
اودلالي بيت من الحزن والهم والاكدار
ــــــــــــــــــــــــــــــــــــــــــــ
بيدالله يالمهدي ظهورك أدري والله
وهوالعليم ابياوكت تنهض ابدعواه
وبجاهك أدعي الخالق اوماأعظم الجاه
جندي من اجنودك أصير اوبيدي بتار

*****

[العذراء المنقبة]

قصيدة جدا جميلة استجاب الله دعاءك وجعلك من جنود الامام المهدي ان شاء الله