اشوكت لمك تجي تاخذ ثاره

[يوسف محمد]

اشوكت لمك تجي تاخذ ثاره
حركَت أشرار آل اميه الداره
~***~

يبن مكه والمدينه والصفه
ويبن حيدر علي ويبن المصطفه
ويبن من جده ابرساله كلفه
الله وارسل للبشر مختاره
~***~

يبن اول عترة الهادي الأمجاد
يبن الحسين وعلي زين العباد
يبن حامل علم باقرها الأجداد
يبن ابو العتره علي الكرار
~***~

يبن صادق عترة الهادي النبي
الضيعو كَبره اهل وش وشتبي
ندعي لله انخلص من حكم الصبي
بالحجاز ومن حكم فجاره
~**~

يبن من سجنته عباد القصور
ذاك هارون النذل عل الولي يجور
شوكت يبن الحسن تعلن للضهور
تكَوم لجدادك وتاخذ ثاره
~***~
خلصنه من هارون اجه ابنه النذل
صار فكره لبو محمدنه يذل
مادره هذا أبن سيد الرسل
طه هالمبعوث من جباره
~***~

يبن من شق اسمه من أسم العلي
موسى بن جعفر القمه يعتلي
شوكت من نورك الضلمه تنجلي
عل الأرض وتعيد كل انواره
~***~


يبن راعي الجود مولانه الجواد
ابن طه تاسع العتره الأمجاد
الغدرته ماعده كل عزه الأوغاد
بني العباس الأنذال اشراره
~***~

ياحفيد الهادي ابن طه الرسول
ياحفيد المرتضه راعي الأصول
ياحفيد الطاهره الزهره البتول
الحركَت الباب آل اميه الداره
~***~

يبن مولانه الأمام العسكري
شوكت عدوانك ابسيفك تصطلي
والله ماضل أنه غيرك يالولي
كَوم عز شيعة علي واخياره
~***~

كَوم اخذ ثار ابن حماي الحمه
ابخيل صدره علوج اميه تهشمه
وثار زينب عمتك بت فاطمه
اليسروه عكَب جتل احراره
~***~

كَوم اخذ ثار ابو فاضل يمغوار
كَطعت يمينه آل اميه والأيسار
عالنهر جثته شبل حامي الجار
امكَطعه بسيوفهم كفاره
~***~

كَوم اخذ ثارات الأكبر هل الذبيح
لسه بسمك يلهج ينادي ويصيح
لسه دم نحره يبو صالح يسيح
لاولي منكم يداوي آثاره
~***~

جاسم العريس طفو شمعته
بعد مابسيوف كَطعت ركَبته
سيدي وتحنه من دم هامته
طاح كوكب سيدي من اقماره
~***~
كَوم اخذ ثارات عبد الله الطفل
حرمله ابدم بارد يذبحه النذل
وهو بيد حسين ابن سيد الرسل
ابجتله عاشت آل اميه ابعاره
~***~

كَوم انشد للبتول الطاهره
منوكَله الضلع منج كسره
بالحمايل منو كَاده الحيدره
منو نبت بالضلع بسماره
~***~

بعد هذا عرج الأرض الطفوف
على صدر حسينه طفله تشوف
عالنهر عباس مكَطوع الجفوف
جثته لايمنه غدت ليساره
~***~

وشاهد انصار الحسين المكرمين
الجاهدت دون الحسين الطيبين
وكَفت بأرواحه تحامي للدين
وأحيته اويه حسينه انصاره
~***~

يبو صالح تعلم اشصار وجره
جي نوالي علي جدك حيدره
ذبحت الشيعه الأنصاب الفجره
اشيوخه وشبانه وازغاره
~***~

ردت البيتك اليوم اتفجره
هاذي سامره يبن من قسوره
وين ياسيدي وشنهو الي جره
مادريت اهدمو بيت أطهاره
~***~

نضل نتنطرك وحق رب العباد
ياحفيد المصطفه واهله الأمجاد
عادت احفاد النواصب بالأحقاد
كَوم اهدم سيدي اوكاره
~***~(منقول)

[ابا جعفر]

عطر الله أنفاسك أخ يوسف