وكأني بلسان حال القائم (ع) يقول لشيعته:

[الماء المعين]

وكأني بلسان حال القائم (ع) يقول لشيعته:
شعر منقول من #صحيفة_القائم (عليه السلام)

أمر بسطوحكم مثل الشمس كل يوم
اسمعكم سوالف مايذكرني
ما محتاجكم بس وفه من اهل البيت
حليبات الفواطم هن يجيبني
احس محتاج منكم طاعة الرحمن
يمه اعمالكم بس لا يفشلني
**
امر بسطوحكم والكاكم بيا حال
دنياكم سفيهه وما هي ابد مني
احس نفس الوجوه العنت الكرار
ناخلكم نخل واوراقكم ذني
احس ضلع الزكية يعاود التذكار
من كسر الضلع مايوم متهني
احس نفس المسافة الطالت ويه حسين
نفس خيل التدوس حسين داسني
**
هم انخه السيوف السكتت ابعاشور
هم ارجى واظن هلبت ينصرني
احس جفوفي طاحن من جسم عباس
اريد انكل الماي وما يعينني
هم انسى الشريعه وعطش ذاك اليوم
لا انسى الطفوف ولا هن ينسني
اريد دموع زينب تنكلب ضحكات
لمن دمعاتها بكل يوم ينادني
**
امر بسطوحكم والكاكم بيا ظيم
اناشد شيعتي ومحد نشد عني
خايف وارتقب واستوحش الوديان
احس عدكم أنس وآنه بطرك وني
وافلوس الكواني استهلكاهه الليل
نسوا جوع الفقر وخيبوا ظني
ياويل العرب من شر يجيهم يوم
كوانيكم هباء وما يفيدني
ولو كلي ارجع راح وكت النور
احط سيفي بيميني وخل يلاكني