ياحسين ياحسين

[حسن محمد]

[size="6"][/sizحسين ابقه بحزن طول العمر وبلوعي
حسين سهم المثلث طفه كل اشموعي
حسين اسهام البصدرك حنت لي ضلوعي
حسين لوبيدي غسلتك يخي بدموعي


حسين فر الحمام امن الدهر فرينه
وضرحنه وينه الي كفلنه وينه
عباس اخوي امكطعه جفينه
ثاري الزمن صوب جبدته وعينه


حسين سكنه التناشدني يعمه زينب
سألتني اعليك وقلبها يلهب
طفله رقيه وانظر الها تنحب
راسي يخويه ابهل مصيبه شيب


حسين صعبه يخويه عنك ايبعدوني
لوبيدي يمك يالولي ايخلوني
فوك المتن بسياطهم ضربوني
حرمة ووحيده والعده ايشتموني


حسين ليش ابهضم حالي اصبحت دنيايه
ليش الشمر يحدي الظعن ويايه
انه الصفيت ابلا ولي وحمايه
ابقه واضل لوصيتك وفايه


حسين قلبي انكسر حين بغصب مشونه
ع المشرعه عمداٌ يخي مرونه
عباس اخوي ايدير الي بعيونه
شفت دمعه ابجفن عينه تودع اظعونه
e]