يالمهدي متانينك تظهر. وتخلصنا من الظلام

[فرزدق]

يالمهدي متانينك تظهر. وتخلصنا من الظلام
ومن سطوت أشرار ألامه . ومن جور وظلم الحكام
======
تانيناك وضدنا نشنت . حملات الغي والتكذيب
من أشرار ألامه وصرنا . بين الأفعى وغدر الذيب
وحكام الشر ضدنا نجمعت . ببشع أنواع التعذيب
وشما طال غيابك نصبر
عالتعذيب وموت الأحمر
وأفعال الطاغي المتكبر
والناس لعاشت بوهام
يالمهدي متانينك تظهر وتخلصنا من الظلام
------------------------------------
دنيانه متلئت بالباطل . والظلام أعلينا تجول
أر񰶉گاب انطينه لسيف الغادر.والحق غامض بالمجهول
ننطق بالمعقول ورادوا. نتكلم بالما معقول
يعني نعوف ولاية حيدر
ولهذا المطلب ما نگدر
والأكثر من هذا واخطر
لو نندب بسمك ننضام
يالمهدي متانينك تظهر وتخلصنا من الظلام
-------------------------------------
عانينه وقاسينه الفرقه . لأجلك يا بن حامي الجار
نصبر وندوس أعلى الجمره . ونتحمل درب الأخطار
آمنا بيوم وننتظره . يوم الثوره أعلى الفجار
ثور واصرخ يا موعود
كلنا ليوم الثوره جنود
بالدم والأرواح نذود
يبن الكرار الضرغام
يالمهدي متانينك تظهر وتخلصنا من الظلام
----------------------------------
احيان نشوفك يالمهدي . ناطر بدروب العشاق
واحيان نشوفك متلهف . للثار تحن ومشتاق
ونشوفك ثائر متصدي . حامل رايه ويه البراق
بساحات الحق عالي الراس
ماخذ من عمك عباس
درس الثوره أعلى الارجاس
يا ذخر ألامه المقدام
يالمهدي متانينك تظهر وتخلصنا من الظلام
--------------------------------------