درامي جميل في الامام المهدي ع

[فرزدق]

طود الصبر يالمهدي اشكثر تحمل مرار وهم؟
بكل لحظة الك عبرة وبكل قـــاع الـــك مــأتـــم
وهذه حالة أجدادك ما بيـن الذبــــــح والســـــــم
جدك علي بمحرابه وقع والشيبـــة تقــــطــر دم
ومن بعده الحسن عمك تقــطــــع كبــــده وتخذم
مسموم الحسن غدروه لكــن كربــــلا الأعظـــم
بيها انقطع نحر حسين وعـليه الكون صار أظلم
انحمل فوق الرمح راسه وركـن دين النبي تهدم
مثل ضلع أمك الزهره تكسر صـــدره وتهشـــم
حرم لا والي ظل عدهن ولا ظل عدهن مخيـــم
وهذا جدك السجـــاد تحمــــل نايبــــات وغــــم
يسير اخذوه للكوفـــــة وحمــــل لــوعات وتألم
السلاسل جرحت جيده ولا يرهم بعـــد مــرهـم