نفرض لو ردت اكتب عن الزهراء

[فرزدق]

نفرض لو ردت اكتب عن الزهراء
يابيت الاكتبه اشلون ابديهه ؟
اكتب للضلع لو ابدي بالبسمار ؟
لو بالكَوم اكتب درات اعليهه ؟
لو محسن أكَول وحرك ذيج الدار
واتخيل المنظر مــــــن يمر بيهه
تعجز كل قوافي الشعر والاقلام
من ارد انه اوصف جِدم رجليهه
ريحانة محمد ام ابوهه اتكون
وما عدنه اخلاف الكل يسميهه
الصدِّيقه البتول الطاهره العذراء
من صلب الرسول الـ الله هاديهه
اني اعلن ولائي البت رسول الله
ومحبتهه فرض عندي واصليهه