ثورتنــــــــــــــه مهديــــــــــــــه

[فرزدق]

ثورتنــــــــــــــه مهديــــــــــــــه



كل هاذي البشر من ادم وحواء ** ومن عطر الولايه نوع طينتنه

عزيزه انفوسنه تنضح كرامه وطيب * من بيت النبوه كل كرامتنه

من ماي الوفه طيبتنه عجنوهه ** ومن جود الحسن مصنوعه طيبتنه

زود ومرجله عدنه بلايه احدود ** حسين الي رسم بالطف عزيمتنه

شــــــــهامه من علي الاكبر تعلمنه ** والقاسم زرعهه بدم شهامتنه

حزمنه امرصعه بالغيره والنوماس ** اجت من الكفيل اسرار غيرتنه

من يوم السقيفه وحتى هذا الــــــيوم ** يردوهه بغدر تتلاشه رايتنه

الملك كل تعجب والفلك والجــــــان ** حاله ولا تمر عالناس حالتنه

صبرنه والصبر مابيه معاني الخوف ** طغاة بهالزمن مايوم خوفتنه

واجت لينه النواصب تلبس البارود **جــــم مره بغدر واحقاد فجرتنه

سكتنه اعله الجره وصار الصبر عنوان ** وعن حكمه ورجوله هاذي سكتتنه

من جنه بمهد نشتم عطر بارود ** وعلى صوت الفشك امنه اللي فطمتنه

عشاق الشهاده بكل عصر وأزمان ** وسام ومفخره صارت شهادتنه

ونخاف اعله البشر لو طك صبرنه بيوم ** تطك زلزال عالعدوان صولتنه

ونواصب ما تظل تمشي على الكيعان ** اذا نعلن علن صوت انتفاضتنه

وقعنه العهد وي قائم اّل البيت ** لو يظهر يقود بعصمه ثورتنه