تويت
ياحال العقيله الهاشمية.
ايالغاظرية
من خيمة لخيمة بهل المسيه.
ايالغاظرية
***********************
يم حسين كعدت زينب الحره
تسولفله بألمهه
تشمه بصدره نوبه اونوبه من نحره
واخوها ايرد يشمهه
تكله شلون لو ليلي الفجر طره
واتودع زلمهه
ياحال الاشوفك بيه عله الغبره
من يحرس خيمهه
ياليل الموادع
عيون الحره تدمع
بسبب لن باجر اتشوف الرزيه
من خيمة لخيمة بهل المسيه
*****************************
تكله يبن أبويه من يخلص اليل
بيا حال أنه باجر
شلون اكدر اشوفك طايح بلا حيل
واتحيطك عساجر
ا شلون انظر لصدرك من تدوسه الخيل .
واترضه الحوافر
لو حزو وريدك ينعه الك جبريل
اومالك كل مناصر
ياحال العقيله
بهل اليله الثجيله
تمنت كبل اخوها الهه المنيه
من خيمة لخيمة بهل المسيه
*****************************
من خيمت حسين لخيمة العباس
كصدت للكفاله
تكله وين ابو الغيرة وابو النوماس
يا حالتهه حاله
أوين الي كفلني اوعندي رفعت راس.
حيدر بالبساله
يخويه شلون اودعك ياهوى الأنفاس
ياعزي اودلاله
كصدت لبو فاضل
دمع الحره هامل
ياليل اليمر اعله الوصيه
من خيمةلخيمة بهل المسيه
***************************
يبن ام الوفه سولفلي بله بهاي
يخويه شلون اعوفك
من تاخذ الجود اوتكصد انته الماي.
اوتتوذر اجفوفك
باجر لوطحت شلي بنفع دنياي
لو ما بيهه اشوفك
واكصدلك نحيله وافاجده كل راي
اون يمك واطوفك
باجر يانهاره
واوداع الغياره
واتشوف اخوتهه متوسده الوطيه
من خيمه لخيمة بهل المسية
**************************
تكفف بالدموع اوتمشي ماتكدر
زينب اه يزينب
لخيمة جاسم اوخيمة علي الأكبر
نار الكلب تلهب
بيا حاله تودوعهم بنت حيدر
بليل العشره تنحب
بسبب باجر وداع اويوم المقدر
لون ريح الحزن هب
أهل الحره كلهم
باجر تودوعهم
أوبعدهم تمشي مجتوفه اوسيبيه
من خيمة لخيمةبهل المسيه
*****************************
عين ام الخدر ماغمضت واتنام
ياويلي عليهه
لأن تدري بعدهم تنسبي للشام
مجتوفه ايديهه
واتصير الكفيلة للحرم وايتام
يبراهم مشيهه
حيف امدللتهم تحزن اوتنضام
واتصد لعليهه
واتنادي لبوهها
امتوني وروموها
يريتك حاضر اوتنضر رقيه
من خيمة لخيمة بهل المسيه
(منقول)
ايالغاظرية
من خيمة لخيمة بهل المسيه.
ايالغاظرية
***********************
يم حسين كعدت زينب الحره
تسولفله بألمهه
تشمه بصدره نوبه اونوبه من نحره
واخوها ايرد يشمهه
تكله شلون لو ليلي الفجر طره
واتودع زلمهه
ياحال الاشوفك بيه عله الغبره
من يحرس خيمهه
ياليل الموادع
عيون الحره تدمع
بسبب لن باجر اتشوف الرزيه
من خيمة لخيمة بهل المسيه
*****************************
تكله يبن أبويه من يخلص اليل
بيا حال أنه باجر
شلون اكدر اشوفك طايح بلا حيل
واتحيطك عساجر
ا شلون انظر لصدرك من تدوسه الخيل .
واترضه الحوافر
لو حزو وريدك ينعه الك جبريل
اومالك كل مناصر
ياحال العقيله
بهل اليله الثجيله
تمنت كبل اخوها الهه المنيه
من خيمة لخيمة بهل المسيه
*****************************
من خيمت حسين لخيمة العباس
كصدت للكفاله
تكله وين ابو الغيرة وابو النوماس
يا حالتهه حاله
أوين الي كفلني اوعندي رفعت راس.
حيدر بالبساله
يخويه شلون اودعك ياهوى الأنفاس
ياعزي اودلاله
كصدت لبو فاضل
دمع الحره هامل
ياليل اليمر اعله الوصيه
من خيمةلخيمة بهل المسيه
***************************
يبن ام الوفه سولفلي بله بهاي
يخويه شلون اعوفك
من تاخذ الجود اوتكصد انته الماي.
اوتتوذر اجفوفك
باجر لوطحت شلي بنفع دنياي
لو ما بيهه اشوفك
واكصدلك نحيله وافاجده كل راي
اون يمك واطوفك
باجر يانهاره
واوداع الغياره
واتشوف اخوتهه متوسده الوطيه
من خيمه لخيمة بهل المسية
**************************
تكفف بالدموع اوتمشي ماتكدر
زينب اه يزينب
لخيمة جاسم اوخيمة علي الأكبر
نار الكلب تلهب
بيا حاله تودوعهم بنت حيدر
بليل العشره تنحب
بسبب باجر وداع اويوم المقدر
لون ريح الحزن هب
أهل الحره كلهم
باجر تودوعهم
أوبعدهم تمشي مجتوفه اوسيبيه
من خيمة لخيمةبهل المسيه
*****************************
عين ام الخدر ماغمضت واتنام
ياويلي عليهه
لأن تدري بعدهم تنسبي للشام
مجتوفه ايديهه
واتصير الكفيلة للحرم وايتام
يبراهم مشيهه
حيف امدللتهم تحزن اوتنضام
واتصد لعليهه
واتنادي لبوهها
امتوني وروموها
يريتك حاضر اوتنضر رقيه
من خيمة لخيمة بهل المسيه
(منقول)