شعر بحق الامام المهدي عجل الله فرجه الشريف

[ابو كرار]

بسم الله الرحمن الرحيم
اللهم صلى على محمد وال محمد

ناطگ حزام صبرك خلهم يشوفون

وذو الفقارغيرك محد يلمسه

صيح الله واكبر هز جدار البيت

نورك يبو صالح بينت شمسه

ياسيف العدل گص رگبت الظلام

يلثوب الشجاعه مفصل تلبسه

رشاش القصايد واسمك الشاجور

والمابيهه اسمك تنولد خرسه

القصايد بس الك يالمهدي مذخورات

عاهدناك امس ونعاهدك هسه

هاي الشيعه الك يالمهدي كلهه سيوف

واحدهم فداء ومابخل نفسه

بيك الدنيه طلگت وانته نور الله

وبيك اتباشرو اهل الكسه الخمسه



الشدايد ظمتك ياامر من الله

ياثار الحسين وعزته ونصره

ياراية محمد معجزة هالكون

يانور الامامه وصبرك شكبره

نگلك يله اطلع واحنه موصافين

وجوه موالفه ووجوه متغيره

كبر و انتفض واشعلهه عالطغيان

لسه حسين ينزف مانشف نحره

ياقائم الدنيه العدل يمشي وياك

والشيعه الصدگ للموت متحضره

يالمهدي الك بس الك بايعك

مو اصبع يوقع وقعن عشره

[شبل القائم]

أخي العزيز بارك الله فيك وننتظر منك المزيد