هذا نداء الشيعتك

[رذاذ المطر]

بسم الله الرحمن الرحيم



هذا نداء الشيعتك -- يمته ترفرف رايتك

عجل يمحجوب -- فرحها الگلوب

طالت علينه غيبتك -- يمته ترفرف رايتك

------------------

هاليله صوت اعتله امن الروح -- اسمع نداها

عطر الولاء الشخصك ايفوح -- يعله ابسماها

ماغيرك ايضمد هالجروح -- انته دواها

غمه علينه ابنورك اتروح -- بيدك لواها

اعلينه جسر چف الدهر -- ساعتنه نحسبها ابشهر

لشوكت يايوم -- من صرحك اتگوم

تدوي بسمانه صرختك -- يمته ترفرف رايتك

-------------------------

يمته ابسمانه نسمع الصوت -- للثار للثار

سيفك يگص رگبة الطاغوت -- للنار للنار

عرش الظلاله ابعدلك ايموت -- ماتظل اعذار

وياك احنه سيدي انفوت -- انحاسب الاشرار

والكل منافق حاسبه -- ابشفرت الصارم ادبه

واضفر المرتاب -- ابغيبتك ماتاب

ينكرها چان الطلعتك -- يمته ترفرف رايتك

-------------------------

كلمن نكرها الغيبه خسران -- ذنبه اعله جنبه

موبيده هذا ضعف الايمان -- ميحبه ربه

للعصر غيرك ماكو سلطان -- كلنه نندبه

أمرك يوضحه عدنه قرآن -- اشحده اليكذبه

قرىن تورات وزبر -- ذاكر يسلطان العصر

لابد الك يوم -- من صرحك اتگوم

ابنورك تضوي دنيتك -- يمته ترفرف رايتك

--------------------

بالعدل تحكم تحيي الاسلام -- اترد اعتباره

للوثن ردت تعبد اصنام -- صارت نصاره

لاعدل لاحگ عاشت اوهام -- چنها ابمغاره

بس طمع صار الطمع احلام -- للكل شعاره

وبيهم الرافع لافته -- كاتب اغيابك لامته

ويضحك ابليس -- يالغايب وقيس

وانظر الرهبان امتك -- يمته ترفرف رايتك

------------------

اختلت يغايبنه الموازين -- عابد مظهره

لوسجد عالتربه اله عين -- اتبصبص ابنظره

ساجد ايعاين عالروازين -- يخطط الفكره

انسان شكله اويه الشياطين -- هذا اشتعذره

شيطان لمن يبتسم -- وبوجهه صوره تنرسم

للدجل حيال -- للمكر ميال

بالمجتمع هذا فتك -- يمته ترفرف رايتك


-----------------
-----------