تويت
كلمات القصيدة
يبـو صالح .. يا مهدينا .. ياللي حار الزمـن فيك
دعبل أوجاعي .. نثر عينه .. يا رضى سنيني عليك
احنا لأجـدادك .. مراثينا .. وكل دعاء الأرض ليك
لكن اسمح لي .. يبـو صالح .. ياهو بعدك بيرثيك
بعد موتك اسم الله عالروحك .. ياهو يمسح منك جروحك
ومن يا مهدي يبجي عالفقدك .. يا من على البشر نوحك
كل نبي ومرسل .. ووصي مرسل .. حصل بجايه تبجيه
ونايحة لفقـده .. تـون بعـده .. مآتم وراثـي يرثيه
وانت يالغايب .. قلـب لاهب .. من بعد عمـره يطفيه
ومن يهل دمعه .. ومن الينعى .. قلبـك وهمـه البيه
قبل حينك بهدي لك نعيي .. ولا تخيب يالولي سعيي
واشهد أني أول العزى .. عالرحيلك ومانا في وعيي
......................
بلكي ما يسعفني عمري ويبلغ ظهورك .. ويشع نورك .. وعمري ما يطول لنجومك
يا بعيـد المـوت عنك كل نفس تفنى .. ولا أتمنــى .. إن يومــي بعــد يومك
ما أريد يجيك الأجــل وأنا ما نعيتك
ومحتظي بنعيك يا من لو تنادي جيتك
ولو هو ودي ما تحل في الفنا ياليتك
والعمــر كل ما انهدم بالأمل بنيتك
من كـلام المجتبـى سيـدي رثيتك
بالشهـادة أبتــدي وظنـي انتهيتك
كـل أهل بيت النبي وطـه بيته بيتك
هـذا دم وهـذا سم يعلــم بمنيتك
جني بك يبن الحسن يا فجعة غيابك .. على أحبابك .. تغمض العين وتخليها
انت يالمالي الأرض بالعــدل يا مغيب .. ولا أصعب .. شيعتك من يسليها
أدري ما يناسب نعيي ومدري شنهو أنسب
لكـن السلـوى علـى هالمصيبة تصعب
وانا اذكـر كربـلاء وبو علــي تشعب
من وقـف ينعى علي وجت له أخته زينب
جانـت تسلـي الأب عــن ألم بالأغرب
وشنهو منها الطاهرة ومن صبرها أعجب
يبو صالح والدمــع بهالمسيـة ينصب
جنـت أريـد أمسح جرح بجرح ما يطيب
......................
نصبنا العزاء على المطهر .. وصحنا ودمعنا يتحدر
تقول الرواية يا مهــدي .. وصادق أيمتنا مصدر
يجي لك حجر في جبينك .. يبو صالح الله أكبــر
مثل جدك اللي في عاشر .. جبينـك يا مهدي تفجر
بعد ما تمتلي هالأرض من جمالك .. وبعد ما ينتهي هالعالم بوصالك
تنال بهالشهادة ويكتمـل كمالك .. وتحرم هالخلق يالوالي من ظلالك
يالحاضر البعيد .. يالشاهد الشهيد .. يالثاره في هام الزمــن ما ينطفـي ويفوت
يالعمره الحياة .. جم من فعلنا مات .. وجم مرة منا ومن عداه ومن شيعته يموت
بعد مصـرعك يا ضيـا العين .. الـك يبعث الباري حسين
في باقة من أنصـاره وأهله .. وفـي كوكبـة مـن النبيين
يهل دمعه موسى بن عمران .. على ضيعة الشرعة والدين
ويغسلك يجفنك وسف من .. ما حصـل له تغسيـل وتجفين
مصيبة ما مثلها يالولي مصيبة .. تحل على الأرض وتضيق الرحيبة
بعد يوم النبي يومك يجي بعذابه .. ويتواصل في نيران الحشر لهيبه
يالنائي يالقريب .. يالجرحه ما يطيب .. يالغايب بروح البشر في كل عصب يسليل
يتصاغر الجليل .. في حزنك الطويل .. كل الصبر إلا على فراقــك صبـر جميل.(منقول)